ТРИКАЛА И МЕТЕОРИ – БОЖИЌНО СЕЛО

Category:
  • трикала
  • трикала3
  • трикала2
  • трикала1
  • trikala
  • Trikala
  • trikala13
  • trikala12
  • trikala
  • Meteora-Monasteries-Greece-14

Description

Подгответе се за една поинаква празнична приказна, исполнета со светилки, насмевки, топлина и незаборавни моменти!! ❤️🎁

🎅 Ве водиме во Трикала – во волшебниот свет на Божиќното село, место каде што празничната магија оживува, улиците блескаат во илјадници светилки, а музиката, декорациите и празничната атмосфера ги враќаат најубавите детски насмевки. Ова е доживување кое ќе ги воодушеви најмалите, но и ќе ги потсети возрасните на убавината на Божиќ и празниците. 🎄✨

🏞️ Нашата празнична авантура вклучува и посета на величествените Метеори – едно од најимпресивните места во Грција, каде што природата и историјата создаваат неверојатна глетка. Високите карпи и манастирите сместени на нивните врвови оставаат без здив и нудат поинакво доживување.❤️

🕯️ А за уште поубаво празнично искуство, ве очекува и посебна работилница за изработка на икони, можност да се запознаете со традицијата и да понесете со себе спомен исполнет со симболика и духовна вредност.

🎁 Три доживувања, една незаборавна приказна!

✨ Божиќна магија за возрасни и деца
✨ Празнични моменти во волшебното Божиќно село
✨ Величествените Метеори и нивната единствена убавина
✨ Креативна работилница за икони

Барем на еден ден да си дозволиме да живееме во светот на фантазиите…ќе ја посетиме куќата на Дедо Мраз, фабриката за чоколади и колачиња, ќе го вкусиме прекрaсното греено вино, ќе одиме и во работилницата за изработка на икони во Метеори….Ве очекуваат незаборавни моменти исполнети со многу изненадувања, забава и среќa..

❤️ Создадете нови семејни спомени и започнете ја празничната сезона на најубавиот начин!

 

ДАТУМИ НА ПОАЃАЊЕ:

22.11.2026
28.11.2026
29.11.2026
12.12.2026
13.12.2026
26.12.2026
27.12.2026

Itinerary

🚌 Поаѓање од Битола во 05:00 часот, од паркингот пред Спортската сала.

🏞️ Пристигнување во МЕТЕОРИ – ДОПИР СО НЕВЕРОЈАТНОТО

Нашата прва дестинација се величествените Метеори, едно од најимпресивните места во Грција, познати по своите огромни карпести формации и манастирите сместени високо на нивните врвови. Ова уникатно место плени со својата убавина, историја и духовна атмосфера. По пристигнувањето, предвидено е слободно време од околу 2 часа за индивидуална посета на Големиот Манастир или манастирот Варлаам, во зависност од личниот избор и можностите за посета. Патниците ќе имаат можност да ја почувствуваат посебната атмосфера на ова свето место, да ги разгледаат манастирските комплекси и да уживаат во прекрасните панорамски погледи кон околината. По завршувањето на посетата, следува собир со групата во однапред договореното време и продолжување на нашата празнична авантура.

🕯️ Потоа ја посетуваме – РАБОТИЛНИЦАТА ЗА ИКОНИ И УНИКАТНИ СУВЕНИРИ

Потоа се упатуваме кон работилница во која се изработуваат икони, традиционални сувенири, рачни изработки и подароци со посебна симболика.

За време на посетата ќе имаме можност да проследиме кратка презентација за изработката на овие уникатни предмети, да се запознаеме со традицијата и процесот на создавање, како и да дознаеме повеќе за нивното значење.

По презентацијата, предвидено е слободно време за разгледување и пазарување во продавницата, каде што ќе можете да изберете подарок за вашите најблиски или спомен од ова прекрасно патување. 🎁

🍽️ РУЧЕК ВО ТРАДИЦИОНАЛНА ГРЧКА ТАВЕРНА

По посетата на работилницата, продолжуваме кон традиционална грчка таверна, каде што ќе имаме можност да уживаме во пријатна атмосфера и да направиме пауза за ручек. Време за одмор, дружење и уживање во вкусовите на грчката кујна пред продолжувањето на нашата празнична приказна.

🎅🎄 ТРИКАЛА – ВО СВЕТОТ НА БОЖИЌНАТА МАГИЈА

Околу 15:00 часот е планирано поаѓање кон Трикала, градот кој во празничниот период се претвора во вистинска божиќна бајка!

Нашата последна дестинација е познатото Божиќно село – место исполнето со илјадници светилки, празнични украси, волшебни куќички и атмосфера што ги радува и најмалите и возрасните. ✨

Таму ќе имате слободно време за прошетка низ празнично украсениот амбиент, фотографирање, уживање во божиќната декорација и откривање на сите убавини што ги нуди ова магично место. Ќе можете да се препуштите на празничниот дух, да создадете прекрасни спомени со семејството и пријателите и да ја почувствувате радоста на претстојните празници. ❤️

🚌 ВРАЌАЊЕ КОН МАКЕДОНИЈА

По договор со туристичкиот водич, во одреденото време следува собир со групата и поаѓање кон Македонија. Пристигнување во Битола е планирано во вечерните часови, со многу убави впечатоци, фотографии, лотарија и спомени од еден исполнет и магичен ден.

Цена: 1400 мкд за возрасни / 1200 мкд за деца до 12 год.

Во цената е вклучено:
Превоз на дадената релација
Пратител за време на патувањето
Посета на работилница за икони ( за сите купувачи следува лотарија )

Во цената не е вклучено:
Патничко осигурување – индивидуално
Индивидуални трошоци, ручек, влезници во манастирите

НАПОМЕНА!

  • ВЛЕЗНИЦА ВО МЕТЕОРИ 3 до 5 еу, задолжително носење на сукња за влез во манастирите бидејќи истата е со наплата.
  • За овој аранжман важат општите услови за реализација на патување на Т.А ХЕРА ТУРС ЕКСКЛУЗИВ.
  • Крајниот рок за извествање на евентуален отказ е два дена пред датумот на поаѓање. Организаторот на патувањето го задржува правото за измена на редоследот на поедини содржини во програмата.
  • Патната исправа е лична обврска, при што важноста на пасошот треба да биде три месеци пред истекување.
  • Паузите и застанувањето на freeshop (на граница) ги организира организаторот во зависност од условите во сообраќајот.